ما هي قواعد تنازع القوانين (وهي ايضا اللي تسمي بقواعد الاسناد)

ما هي قواعد تنازع القوانين (وهي ايضا اللي تسمي بقواعد الاسناد) 

*قواعد تنازع القوانين (وهي ايضا اللي تسمي بقواعد الاسناد ) 

تعريفها::دي بقا مجموعه من القواعد القانونيه التي يلجأ اليها القاضي لكي ترشده اللي القانون واجب التطبيق عند وجود عنصر اجنبي 

.يعني دي مجرد قواعد استرشاديه فقط ترشد القاضي للقانون الذي يجب ان يطبق عند وجود عنصر اجنبي ومش بتحكم في النزاع مباشره 

قواعد الاسناد من قواعد القانون الخاص لانها تحكم علاقات لا تدخل الدوله كطرف فيها

قواعد الاسناد تبدأ من الماده ١٠ الي الماده ٢٨ في القانون المدني بمجموع ١٩ ماده

العلاقه القانونيه تنهض علي ٣ عناصر (الاطراف..المحل ..السبب ) لو كان ال ٣ عناصر دول وطنيين يعني كلهم نفس الجنسيه هنا يطبق القانون الوطني بكل سهوله اما بقا لو كان فيه عنصر اجنبي هنا نلجأ لقواعد الاسناد 

العنصر الأجنبي قد يكون الاطراف (ودا الغالب والاطراف هنا هما المتعاقدان ) وقد يكون المحل وممكن يكون السبب .

لا يشترط اعتراف دوله القاضي بحكومه الدوله ليطبق قانونها ولكن يشترط ان تعترف دوله القاضي بالدوله نفسها ليطبق قانونها

خصائص قاعده الاسناد

1--قواعد مزدوجه الجانب :لانها لا تعمل الا في حاله وجود قانونين يدعي كل منهما لنفسه الحق في حكم مسأله التنازع .يعني هي ثنائيه الجانب ممكن ترشد القاضي لتطبيق القانون الوطني وممكن مره تاني ترشده لتطبيق القانون الأجنبي

.انتقد هذا الامر لوجود عيوب وهي ١..لانها تحمل القاضي عبء البحث في القوانين الاجنبيه .٢..تنتهك السياده التشريعيه لدوله اجنبيه (يعني القاضي هيطبق قانون دوله مش دولته )

2--قواعد غير مباشره ..يعني مش هيا اللي بتحكم النزاع بصوره نهائيه ولكن هيا مجرد ترشد القاضي للقانون الافضل اللي يجب ان يطبقه علي النزاع سواء بقا كان القانون الوطني او القانون الاجنبي 

عناصر قاعده الاسناد 

١..الفكره المسنده ..يعني ما يتحدث عنه نص الماده او هو الموضوع الذي تتكلم عنه الماده لان هتلاقي كل ماده من مواد قاعده الاسناد ال ١٩ بتتكلم عن موضوع معين 

٢..ضابط الاسناد .يعني المعيار اللي شاف المشرع انه افضل للتطبيق .يعني هو همزه الوصل بين الفكره المسنده وبين القانون الواجب التطبيق 

٣ .القانون المسند اليه .دي القاعده اللي تطبق لتحكم النزاع وممكن تكون من القانون الوطني او القانون الاجنبي

مدي التزام القاضي بتطبيق قواعد الاسناد الوطنيه 

٣ اتجاهات ... ..

اول اتجاه .(القانون الانجليزي ) دا بقا قال للقاضي تطبق القانون الوطني بتاعنا علي النزاع غصبا عن ابوك في قبره 😂 يعني لا يطبق قواعد الاسناد الاجنبيه ان وجد عنصر اجنبي في النزاع ولكن يطبق قانون دولته .دا لان هما شايفين نفسهم مغفلقين وكانو محتلين كل العالم قبل كده ونشرو القانون بتاعهم في العالم 

تاني اتجاه 

(القانون. الفرنسي) دا ادي للقاضي حريته انه ممكن يطبق القانون الوطني او انه ممكن يطبق القانون الاجنبي (مؤمنين بحريه الرأي👌🏻) _الا اذا طلب الخصوم تطبيق قواعد الاسناد هنا يصبح القاضي مجبر علي تطبيقها 

الاتجاه الثالث .

ودا اجبر القاضي علي تطبيق قواعد الاسناد من تلقاء نفسه دون الحاجه الي طلب الخصوم (المانيا ومصر ) ودا لانها قواعد امره متعلقه بالنظام العام ولا يحوز الاتفاق علي مخالفتها 

موقف الفقه من الصفه الالزاميه .(الخلاصه ) اتفق اغلب الفقهاء في العالم علي الزاميه اللجوء إلى تطبيق قواعد الاسناد

(لواستفدت قول عشان اكمل )